نكت مغربية لاول مرة بالمنتدى... دخل نشوفو ضراسك تيضحكو ههه

السلام عليكم
1هادو واحد جوج صراصير(سراق الزيت) كانو فالسبيطار
واحد سول لاخر قال ليه مالك
قال ليه رشو علية فليطوكس و قال ليه و نتا ماللك
قال ليه بلغة
_______
2واحد الحنش خارج سكران من البار و هو يمشي نيشان
_______
3وحد الراجل عندو 60 سنة و باقي وجهو صغير
جابوه فواحد البرنامج و بغاو يسولوه
قالت ليه مضيفة البرنامج علاش وجهك باقي صغير و تا كبير فالسن
قال ليها حيتاش مكنتعصبش قالت ليه كيفاش
قال ليها واحد النهار قال ليا واحد صاحبي راه القمر مربع
وقلت ليه بصح
قالت ليه و لكن ميمكنش القمر يكون مربع
قال ليها بصح عندك الحق
ههههه
______
4 واحد معكاز جاي عند صاحبو للدار و ما فيه ما يخرج ايده و يدق
و هو يقول دق دق صاحبو حتا هو كتر منو قاليه زيييييط دخل
_____
5هدا واحد التمتام ساكن هو وصاحبو ف عمارة فيها 100 طابق
و هداك النهار كان السانسور خاسر و مني كانو طالعين فالدروج كان تيقول ليه التمتام ت ت ت ت ت ت
حتا بقا ليهم طابق واحد و هو يقول ليه تا راه نسينا الساروت
بداو نازلين باش يجيبو الساروت و بدا تيقول ليه التمتام
ت ت ت ت ت
حتا نزلو و هو يقول ليه تا راه غير ضحكت معاك
______
6 هادي واح العروبية تصاحبات مع فاسية و الفاسية عرضات على العروبية
و حطات ليها الشهيوات و العروبية معرفاتش واحد الحاجة و هي تسول الفاسية قالت ليها أشناهيا هادي
قالت ليها بتي بان دو شوكولا [url=http://www.google.co.ma/search?hl=fr&ei=tdLeS9jQJMuN_Ab_4PiRBw&sa=X&oi=spell&resnum=0&ct=result&cd=1&ved=0CAUQBSgA&q=petit pain de chocolat&spell=1]petit pain de chocolat[/url]
جا وقت العروبية باش تعرض على الفاسية و العروبية حطات الشفنج
و الفاسية ما عرفاتوش و سولات العروبية قالت ليها أشناهو هدا
العروبية بغات تعيق عليها و
قالت ليها هدا بتي بان دو توقوبا petit pain de to9oba
______
7واحد العروبي كان غادي مع واحد الدرية و هي تسولو واش عندك MSN
معرفش اشناهو MSNوقال ليها لا عندي غير VCD
_____
8هادو واحد الشباب يبانيين اخترعو واحد المكينة كتعرف كل بلاد شحال فيها ديال الشفارة
مشاو لميريكان و هم يعرفو الشفارة الي عندهم كلهم مشاو لفرنسا و هما يعرفو الشفارة الي عندهم كل بلاد تيمشيو ليها تيعرفو شحال فيها ديال الشفارة
جاو ((لأخطر بلد)) و هوما يشفرو ليهم المكينة
_____
9
هدا واحد البخيل شرى قرعة كوكا كولا
و كان غادي فالدرب و جا عندو صاحبو و قال ليه عطيني شوية و هو يقول ليه لا راه ديالي انا و خويا و قال ليه صاحبو و عطيني من النصف ديالك
قال ليه لا نصي هو التحتاني
______
10
هدا واحد الدري تيخاف من الكونطرولات ديال الطوبيس مني تيطلع للطوبيس تيقطع 2 ورقات واحد النهار سولو الروسوvور قال ليه خويا تا بوحدك وعلاش قطعني 2 ورقات
قال ليه باش ايلا توضرات ليا وحدة نلقى الاخرى و قال ليه الروسوفور و ايلا توضرو ليك الورقات بجوج قال ليه ماتخافش عندي لاكارط ديال الطوبيس
____
11
هدا واحد المغربي يصنع الشباكية و هي حلوى تصنع كتير في شهر رمضان

على العوم اراد انيعمل مشروع
و هو يسافر للصين باش يبيع ليهم الشباكية
و النهار الاول بدا يبيعها و هو يجيو ليه البوليس و شدوه
مني جاو يشوفو لقاو الشكل ديال الشباكية عبارة عن معيورة بالشينوية(يعني كلمة غير اخلافية)
______
12
اللي بغا المزيد يراسلني في الخاص و غادي نكتب نكث أخرى في موضوع الغد
و لا تنسو الردود و تشجيعكم و في الاخير أتمنى أن تقول ما هي النتكتة التي عجبتك في الرد
و تقبلو مروري

[flash][/flash]يسلمو زوينين بزاف او لي عجبتني هي
هدا واحد البخيل شرى قرعة كوكا كولا
و كان غادي فالدرب و جا عندو صاحبو و قال ليه عطيني شوية و هو يقول ليه لا راه ديالي انا و خويا و قال ليه صاحبو و عطيني من النصف ديالك
قال ليه لا نصي هو التحتاني
هههههههههههههههههههههههههههههههه وعرى كنتمنى ليك التوفيق

hada wahd tlaba galt lwahd lmo3lim 3tini bach nfrh drari galiha siri golilhom rah makaynach l9raya

hhhhhhhhhhhhhhhhh zuina

» الجديد نكت مغربية 2010 مختارة بعناية